माओवादी विखण्डनवादीः कोइराला
सुर्खेत (खजुरा) । नेपाली काङ्ग्रेसका कार्यवाहक सभापति सुशील कोइरालाले पछिल्लो समयमा एकीकृत नेकपा -माओवादी)ले राष्ट्रियताको नारा उठाएर मुलुकलाई विखण्डन गर्न खोजेको आरोप लगाउनुभएको छ ।
नेपाली काङ्ग्रेस सुर्खेतद्वारा मंगलबार वीरेन्द्रनगरमा आयोजित कार्यकर्ता भेटघाट कार्यक्रममा नेता कोइरालाले नियोजितरुपमा सत्ता हत्याउने दाउमा लागेको माओवादीले बेमौसमी आन्दोलनका रुपमा राष्ट्रियताको नारा उठाएर मुलुकलाई थप अन्यौलतातर्फ धकेलेको दोषारोपण गर्नुभयो ।
उहाँले सरकार सञ्चालनमा सक्षमता हासिल गर्न नसकेर सरकार छोडेको माओवादीले पछिल्लो समयमा नागरिक सर्वोच्चताको नारा उठाएर संविधानसभालाई असफल बनाउन लागेको विचार व्यक्त गर्नुभयो ।
कार्यवाहक सभापति कोइरालाले माओवादीले अहिले पनि आफ्नो हत्या, हिंसा र अपहरणको शैलीलाई निरन्तरता दिएको छ भन्दै त्यसखाले गतिविधिलाई नियन्त्रण गर्न कार्यकर्तालाई तयार रहन निर्देशनसमेत दिनुभयो ।
कार्यक्रममा स्वास्थ्य तथा जनसङ्ख्या राज्यमन्त्री खड्कबहादुर बस्याल, पूर्वसांसद हृदयराम थानी, शिवराज उपाध्यायलगायतले माओवादीले आफ्ना अराजक क्रियाकलाप नरोकेमा काङ्ग्रेसले जस्तोसुकै मूल्य चुकाउन पनि तयार रहेको बताउनुभयो ।

Read more...

यसवर्ष एसएलसीमा नियमित र एक्जाम्टेडलाई एउटै प्रश्नपत्र सोधिने

भक्तपुर । परीक्षा नियन्त्रण कार्यालय सानोठिमीले यसवर्षको एसएलसी परीक्षामा रेगुलर र एक्जाम्टेड परीक्षार्थीलाई एउटै प्रश्नपत्र सोध्ने भएको छ ।
कार्यालयले गतवर्ष नियमित र एक्जाम्टेड परीक्षार्थीलाई फरक फरक प्रश्नपत्र सोध्दा परीक्षार्थीलाई समस्या परेपछि यसवर्ष एकै प्रकारको प्रश्न सोध्ने भएको कामु परीक्षा नियन्त्रणक अम्बिकाप्रसाद रेग्मीले बताउनुभयो ।
गतवर्ष कक्षा १० को पाठ्यक्रम परिवर्तन भएका कारणले पनि फरक फरक प्रश्न सोधेको बताउँदै उहाँले यसवर्ष एउटै प्रश्नपत्र तयार गरेको बताउनुभयो ।
गतवर्ष फरक फरक पं्रश्न पत्र बनाउँदा कतिपय नियमिततर्फका परीक्षार्थीले कम्पार्डतर्फको र कम्पार्डतर्फको परीक्षार्थीका लागि सोधिएका प्रश्नपत्रमा नियमिततर्फकाले परीक्षा दिएकाले कार्यालयलाई समस्या आएको थियो ।
यस्ता परीक्षार्थीलाई परीक्षा बोर्डले पाँच नम्वर थपेर पास गरिदिने निर्णयसमेत गर्नुपरेको, खर्च वृद्धि भएको तथा धेरै समस्या आएकाले यसवर्ष एउटै प्रश्नपत्र तयार पारेको रेग्मीले बताउनुभयो ।


Read more...

बाघसँग लडेर बाँच्न सफल

बाबियाचौर (म्याग्दी) । म्याग्दी जिल्लाको पात्लेखेत गाविसका दुई व्यक्ति बाघसँग लडेर बाँच्न सफल भएका छन् । उनीहरूले आक्रमण गर्न आएको बाघलाई उल्टै घाईते बनाएर लखेट्नसमेत सफल भएका छन् ।
पात्लेखेत-७ का ५८ वषर्ीय लालबहादुर राम्जाली र सोही गाविस-५ का ४० वषर्ीय मसवीर रोका बाघसँग लडी आफ्नो जीवन बचाउन सफल हुनुभएको हो ।
मङ्गलबार दिउँसो १२ बजे गाउँदेखि ५०० मिटरमाथि रहेको अस्कुन जङ्गलमा घाँस काट्न गएका उहाँहरूलाई बाघले आक्रमण गरेको थियो ।
‘जङ्गल पस्ने बित्तिकै बाघले कम्मरमा समायो र घाँटीमा कोपर्न खोज्यो,’ राम्जालीले भन्नुभयो- ‘दुई मिनेटसम्म बाघसँग लडें ।’ साथमा रहेको हँसियाको सहाराले हिर्काएर तल फ्याँकेको बाघलेे आफूसँगै रहेका पुनः रोकालाई आक्रमण गरेको राम्जालीले जानकारी दिनुभयो ।
रोकाको बाघसँग तीन मिनेट लडाइर्ं चलेको प्रत्यक्षदर्शी ईन्द्र पाईजाले बताउनुभयो । बाघसँग लडाई गर्दा रोकाको टाउको, दाहिने खुट्टा र दाहिने हातमा चोट लागेको छ । राम्जालीको कम्मर र दाहिने हातमा चोट लागेको छ ।
‘साथमा रहेको हँसियाले टाउकोमा हिर्काएपछि बाघ भाग्यो,’ बाघसँगको युद्ध सुनाउँदै रोकाले भन्नुभयो, ‘बाघको गर्धनमा समाएर हँसियाले हिर्काएपछि बाँँच्न सफल भएँ ।’
‘बाघले आक्रमण गर्‍यो भनेर हरेस खाएको भए म बाँच्ने थिइन होला,’ सदरमुकामस्थित बेनी अस्पताल तथा रिसर्च सेन्टरमा उपचार गराइरहनुभएका रोकाले आँखाबाट खुसीका आँशु झार्दै भन्नुभयो- ‘आत्मविश्वासले गर्दा बाघसँग युद्ध गरेर जीवन जितँे ।’
हारगुहार गर्दै बाघसँग लडेकाले उनीहरूसँगै घाँस काट्न गएका गाउँलेहरूले घाइतेको उद्धार गरेर बेनी ल्याएका थिए ।
‘उहाँहरू बाघसँग लडीरहँदा हामी रमिते बनेर हेर्नुबाहेक केही गर्न सकेनौं,’ प्रत्यक्षदर्शी पाइजाले भन्नुभयो, ‘साहस हुने हो भने मृत्युलाई जित्न सकिँदो रहेछ ।’ घाइतेहरूको स्वास्थ्य अवस्था सामान्य रहेको अस्पतालले जनाएको छ ।

Read more...

copyright Oxkoon Inc.